काठमाडाैं । आज बिहीबार विश्व मधुमेह दिवसको उपलक्ष्यमा कीर्तिपुर नगरपालिका वडा नं. १ कार्यालयमा निःशुल्क वल्ड सुगर, आँखा जाँच सम्पन्न भएको छ ।
मित्रराष्ट्र चीन, अरनिको समाज नेपाल, लायन्सर लियो क्लव, कीर्तिपुर अप्टिकल तथा आँखा क्लिनिक, मेडक्यूस्ट डाईगन्ष्टिक सेन्टर सहकार्यमा कीर्तिपुर नगरपालिका वडा नं. १ कार्यालय, लायकुमा संचालित निःशुल्क वल्ड सुगर जाँच, निःशुल्क आँखा जाँच, निःशुल्क दृष्टि पर्दा रेटिनाको जाँच तथा मोतिबिन्दु शल्यक्रियाको लागि मोतिबिन्दु छनोट कार्यक्रममा १ सय २० जनाको ब्लड सुगर, आँखा परीक्षण गरिएकोमा १६ जनाको बल्ड सुगर बढी देखिएको छ ।
जस मध्ये १८ जनाको मोतिबिन्दुको शल्यक्रिया गर्नु पर्ने देखिएको छ भने दृष्टि पर्दा रेटिनामा समस्या देखिएका १२ जनालाई उपचारको लागि कीर्तिपुर अप्टिकल तथा आँखा क्लिनिक, बाहिरीगाउँ, कीर्तिपुरमा सम्पर्क राख्न अनुरोध गरिएको छ ।
