काठमाडौं । खोटाङ, रावाबेसी गाउँपालिका-५ दुवेकोल बस्ने वीर बहादुर गुरूङको घर र मतान घरमा शनिबार दिउँसो आगलागी हुँदा घर र मतान घर जलेर करिब ११ लाख ४ हजार रूपैयाँ बराबरको धनमाल नष्ट भएको छ ।
झापा, कमल गाउँपालिका-२ समयगढ बस्ने चन्द्र श्रेष्ठको घरमा आइतबार बिहान आगलागी हुँदा घर पूर्णरूपमा जलेर करिब ३ लाख रूपैयाँ बराबरको धनमाल नष्ट भएको छ ।
कैलाली, धनगढी उपमहानगरपालिका-४ चटकपुरस्थित बझाङ बुंगल नगरपालिका-३ बस्ने नरेश बहादुर बोहराको न्यू प्रत्युस मिनि खप्तड होटलको भान्सा कोठामा गए राति आगलागी हुँदा भान्सा कोठा पूर्णरूपमा जलेर करिब ४ लाख रूपैयाँ बराबरको धनमाल नष्ट भएको छ ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
