काठमाडाैं / दाङका पुराना कम्युनिष्ट नेता देवी पोख्रेलको निधन भएको छ । दाङको कम्युनिष्ट पार्टीको आन्दोलनमा अतुलनीय योगदान गरेका नेता पोख्रेलको ७२ वर्षको उमेरमा शुक्रबार राति घोराहीस्थित आफ्नै निवासमा निधन भएको हो । उहाँको निधनमा दुख ब्यक्त गर्दै नेकपा एकता राष्ट्रिय अभियानका अध्यक्ष वामदेव गौतमले एक प्रेस बिज्ञप्ति जारी गर्नु भएको छ । बिज्ञप्तिको पूर्ण अंश यस प्रकार छ ।
-भावपूर्ण श्रद्धाञ्जली-
दाङ जिल्ला निवासी कमरेड देवी पोखरेलको आज निधन भएको खबरले म स्तब्ध भएको छु ! उहाँ ७२ वर्षको उमेरमा पनि राजनीतिमा सक्रिय नै हुनुहुन्थ्यो ! उहाँ केही समय यता मृगौलाको समस्याबाट पीडित हुनुहुन्थ्यो । कमरेड देवीप्रति भावपूर्ण श्रद्धाञ्जलीका साथै शोक सन्तप्त परिवारजनप्रति हार्दिक समबेदना ब्यक्त गर्दछु ।
-वामदेव गौतम
अध्यक्ष
नेकपा एकता राष्ट्रिय अभियान
मिति २०८१/०७/२४
