काठमाडौं । असोज महिनामा मात्रै निर्जीवन बीमा व्यवसायले झण्डै पौने चार अर्ब रुपैयाँ बराबरको व्यापार गरेका छन् ।
नेपाल बीमा प्राधिकरणका अनुसार एक महिनामा ३ अर्ब ६७ करोड रुपैयाँ बराबरका २ लाख ६७ हजार ४१२ बीमालेख बिक्री भएको हो । यो सञ्चालनमा रहेको १४ निर्जीवन बीमा कम्पनी र चार निर्जीवन लघुबीमा कम्पनीले गरेको कुल व्यापार हो ।
एक महिनाको अवधिमा सगरमाथा लुम्बिनी इन्स्योरेन्सको ४२ करोड ४१ लाख, शिखर इन्स्योरेन्सले ३९ करोड ६६ लाख, ओरियन्टल इन्स्योरेन्सले ३९ करोड ४५ लाख, सिद्धार्थ प्रिमियर इन्स्योरेन्सको ३५ करोड ८६ लाख, जीआईसी प्रुडेन्सियल इन्स्योरेन्सको ३२ करोड ७ लाख, हिमालयन एभरेष्ट इन्स्योरेन्सको ३१ करोड ६४ लाख, नेको इन्स्योरेन्सको ३० करोड ८५ लाख रुपैयाँ बराबरको व्यापार गरेका छन् ।
त्यस्तै, एनएलजी इन्स्योरेन्सको २७ करोड ५ लाख, युनाइटेड इन्स्योरेन्सको २२ करोड ४९ लाख, सानिमा जीआईसी इन्योरेन्सको १९ करोड १९ लाख, प्रभु इन्स्योरेन्सको १८ करोड ३० लाख, नेपाल इन्स्योरेन्सले १७ करोड २३ लाख, नेशनल इन्स्योरेन्सले ४ करोड ५० लाख, राष्ट्रिय बीमा कम्पनीले २ करोड ८६ लाख रुपैयाँ बराबरको कारोबार गरेका छन् ।
लघु बीमातर्फ २ करोड ३८ लाख, प्रोएक्टिभ माइक्रो इन्स्योरेन्सको १ करोड ८० लाख, ट्रष्ट माइक्रो इन्स्योरेन्सको १ करोड ६८ लाख र स्टार माइक्रो इन्स्योरेन्सको १ करोड ६५ लाख रुपैयाँ बराबरको कारोबार भएको छ ।
योसँगै चालु आर्थिक वर्षको पहिलो तीन महिनाको अवधिमा कुल बीमाशुल्क ११ अर्ब ५७ करोड ३६ लाख रुपैयाँ पुगेको छ । ७ लाख ३७ हजार ९३० वटा बीमालेखमार्फत् उक्त बीमांक रकम संकलन भएको हो । असोज महिनामा मात्रै जारी भएका बीमालेखको कुल बीमांक रकम ८ खर्ब ८६ अर्ब रुपैयाँ बराबर रहेको प्राधिकरणले जनाएको छ ।
तीन महिनामा संकलित बीमाशुल्कमध्ये बाग्मतीमा ७ अर्ब ८६ करोड, कोशीमा ९५ करोड ९९ लाख, लुम्बिनीमा ९९ करोड ६६ लाख, मधेशमा ७५ करोड ६५ लाख, गण्डकीमा ६३ करोड १८ लाख, सुदुरपश्चिममा २६ करोड ९५ लाख र कर्णालीमा ९ करोड ५८ लाख बीमाशुल्कसहितको बीमालेख बिक्री भएको देखिएको छ ।
क्षेत्रगत रुपमा मोटर बीमातर्फ ३ अर्ब ५३ करोड, सम्पत्ति बीमातर्फ ३ अर्ब २४ करोड, इञ्जिनियरिङ बीमातर्फ १ अर्ब ४१ करोड, सामुन्द्रिक बीमातर्फ ६२ करोड ९२ लाख, कृषि तथा बाली बीमातर्फ ५८ करोड ३८ लाख, हवाई बीमातर्फ ५४ करोड ७१ लाख र विविध विमा अन्तर्गत १ अर्ब ४३ करोड रुपैयाँ बराबरको बीमालेख बिक्री भएको प्राधिकरणले जनाएको छ ।
