काठमाडौं । सामसङ नेपालले ग्यालेक्सी एआई इकोसिस्टमको नयाँ सदस्य ग्यालेक्सी एस२४ एफई सार्वजनिक गरेको छ । कम्पनीका अनुसार ग्यालेक्सी एस२४ बाट प्रयोगकर्ताहरूले प्रिमियम मोबाइल अनुभव प्राप्त गर्नेछन् ।
एआईमा आधारित प्रोभिजुअल इन्जिन र ग्यालेक्सी एआईको फोटो असिस्ट प्रयोगद्वारा ग्यालेक्सी एस२४ एफईले प्रयोगकर्तालाई आफ्नो रचनात्मकतालाई प्रदर्शन गर्ने क्षमता दिनेछ । ६.७ इन्चको डायनामिक एमोलेड २एक्स डिस्प्ले, लामो समयसम्म चल्ने ४७०० एमएएच ब्याट्री र शक्तिशाली एक्सिनो २४०० ई सिरिज चिपसेटको साथमा यो गेमिङका लागि एक उत्तम उपकरण बनेको कम्पनीको भनाइ छ ।
ग्यालेक्सी एस२४ एफईले प्रिमियम ग्यालेक्सी एआई र इकोसिस्टम कनेक्टिभिटी प्रदान गरी सञ्चार, उत्पादकता र रचनात्मकता बढाउने छ ।
कम्पनीका अनुसार एफई सिरिजमा पहिलो पटक आएको प्रोभिजुअल इन्जिनले धेरै सुधारिएको टेक्नोलोजीको सुविधा दिन्छ, जसले आश्चर्यजनक विवरण र उल्लेखनीय रूपमा सूक्ष्म बनावटहरू प्रदान गर्न उन्नत एआई एल्गोरिदमहरूको लाभ उठाउँछ ।
अप्टिकल ३एक्स जुमको अतिरिक्त २एक्सबाट जुम स्तरहरूमा अप्टिकल–गुणस्तरको पर्फर्मेन्स दिन वाइड क्यामेराको ५०एमपी एडप्टिभ पिक्सेल सेन्सरसँग काम गर्दछ । एआई जुमले डिजिटल जुम लम्बाइ बीचको दुरीमा परिष्कृत छवि गुणस्तर पनि प्रदान गर्दछ ।
शक्तिशाली एक्सिनोस २४००सिरिज चिपसेटले रे–ट्रेसिङ जस्ता अत्याधुनिक सुविधाहरूको साथ स्मुथ गेमिङ अनुभव प्रदान गर्छ ।
ग्यालेक्सी एस२४ एफईले ग्यालेक्सी एस२४ सिरिज जस्तै एडभान्स एआईको अनुभव समावेश गर्दछ । काम सहज पार्न, सञ्चारलाई सरल बनाउन र कनेक्टिभिटी बढाउन डिजाइन गरिएको एस२४ एफईमा ग्यालेक्सी एआईले प्रगोगकर्तालाई नयाँ सम्भावनाहरू अनलक गर्ने सुविधाहरू प्रदान गर्दछ ।
ग्यालेक्सी एस२४ एफई सामसङको विस्तारित मोबाइल इकोसिस्टमसँग कनेक्ट हुँदा ग्यालेक्सी एआई–परिष्कृत अनुभव अझ उपयोगी हुन जान्छ । यसले निर्बाध रूपमा फाइलहरू स्थानान्तरण गर्दछ, विस्तारित प्रदर्शनहरू छिटो सेट अप गर्दछ र सहज रूपमा सहज इनपुटहरू मार्फत जटिल रचनात्मक विचारहरू कार्यान्वयन गर्दछ ।
देशभरका आधिकारिक सामसङ स्टोरहरूमा उपलब्ध सामसङ इन्स्टा फाइनान्स सेवाको साथमा यो नयाँ फोनलाई शून्य प्रतिशत ब्याज दरमा ४ हजार ७५० रूपैयाँ महिनादेखि सुरू हुने गरी सजिलो ईएमआईमा प्राप्त गर्न सकिनेछ।
३ हजार रुपैयाँसम्मको विशेष बोनस सहित आफ्नो स्मार्टफोन अपग्रेड गर्न चाहनेहरूका लागि परिष्कृत ट्रेड–इन एक्सचेन्ज सुविधा पनि उपलब्ध रहेको कम्पनीले जनाएको छ ।
