काठमाडाैं । सातदिनसम्म लगातार दिनसम्म खोजी कार्य गरेता पनि प्रल्हाद महर्जन अझै भेटिएका छैनन् ।
गत बिहिबार घटस्थापनाकाे दिन कीर्तिपुरकाे भाजांगल खोल्सो (ढुंगाःचा) मा खसेर बेपत्ता भएका प्रल्हाद महर्जनकाे खाेजी गरेपनि फेला पार्न सकिएकाे छैन ।
साे दिन बिहान करिब ८ बजे आफ्नै घर नजिकै बारीमा झाडी काट्ने क्रममा पर्खाल सहितको ढिस्कोसँगै खोल्सोमा खसेकाे दिनदेखि नेपाल प्रहरी, सशस्त्र प्रहरी, नेपाली सेना, स्थानीय बासिन्दा र महर्जनका परिवारजन लगाायत संयुक्त रूपमा सक्रिय रूपमा लगातार खोजी गरेता पनि अहिलेसम्म कुनै पत्ता लगाउन सकेकाे छैन ।
असाेज २२ गते मंगलबारसम्म खोल्सोबाट कटवाल दहसम्म खोजी गरेकाे थियाे । खोजीकै क्रममा हिजो नेपाल प्रहरीका तालिम प्राप्त कुकुर र स्थानीय जनप्रतिनिधिहरूको सहयोगमा सुन्दरीघाटसम्म खाेजि गरिएकाे थियाे । केही दिन अगाडीको बाढीका कारण अधिकांश बाटोहरु बगाएका कारण खोलाका किनारहरु सम्म पुग्न अफ्ठयारो भएका कारण ड्रोन उडाएर पनि खोँचहरुमा खोजिएको छ ।
सुरक्षाकर्मीहरूको निरन्तर खोजी प्रयासले पनि बेपत्ता महर्जनको पत्तो लाग्न नसक्नुले परिवार र स्थानीय बासिन्दाहरू चिन्तित बनेका छन्। प्रल्हाद महर्जनको खोजी अभियानमा स्थानीय सुरक्षा निकाय र खोजीमा लागेका टोलीहरू निरन्तर प्रयासरत छन्, तर समय बित्दै जाँदा महर्जनको अवस्था अझै अज्ञात छ।
Photo : Durga lal Sahi
