काठमाडौं । होटेल एभरेस्ट र बुटिक होटेल बसेरालाई सरकारले तीन–तीन लाख रुपैयाँ जरिबाना तिराएको छ ।
नयाँ बानेश्वरस्थित एभरेस्ट होटेलको अनुगमनका क्रममा किचनमा म्याद गुज्रेका सामान फेला परेकाले जरिवाना तिराएको वाणिज्य, आपूर्ति तथा उपभोक्ता संरक्षण विभागका महानिर्देशक राजन पौडेलले जानकारी दिए ।
त्यस्तै अनुगमनका क्रममा बबरमहलस्थित बसेरा होटेलले अधिकतम् खुद्रा मूल्य (एमआरपी) भन्दा बढी मूल्यमा पानी बिक्री गरिरहेको फेला परेको भेटेसँगै जरिवाना तिराइएको विभागको भनाई छ ।
विभागले चाडबाड नजिकिएसँगै अनुगमन बढाएको छ । सोमबार मात्र कुल ३९ फर्ममा अनुगमन भएको विभागले जनाएको छ ।
