काठमाडौं । श्रम रोजगार तथा सामाजिक सुरक्षामन्त्री शरतसिंह भण्डारी आगामी असोज ३ गते जापान जाने भएका छन् । जापानको टोकियोमा असोज ३ गते हुने जापान–नेपाल रोजगार सम्मेलनमा भाग लिन भण्डारी जाने भएका हुन् ।
त्यसका लागि मन्त्रिपरिषद् बैठकले स्वीकृति दिएको छ । बिहीबार बसेको मन्त्रिपरिषद् बैठकले मन्त्री भण्डारीको जापान भ्रमण स्वीकृत गरेको हो ।
भण्डारीको जापान भ्रमणका लागि श्रम मन्त्रालयको तर्फबाट मन्त्रिपरिषद्मा प्रस्ताव पेस भएको थियो ।
नेपालबाट भाषा सिक्नका लागि सबैभन्दा बढी विद्यार्थी जापान जाने गरेका छन् । जापानमा पढ्नका लागि सिधै जाने पाउँदैन । त्यसका लागि निश्चित समयावधिमा भाषा सिक्नुपर्ने हुन्छ । त्यसपछि मात्रै जापानका विश्वविद्यालय तथा कलेजहरूमा कोर्स पढ्न पाउँछन् । त्यस्तै कामदारको रूपमा समेत नेपालीहरू जापान जाने गरेका छन् ।
जापानमा एसएसडब्लू प्रणाली अनुसार कामदार लैजाने प्रक्रिया अघि बढेको लामो समय भयो । तर, हालसम्म उक्त प्रक्रियाबाट जान सकेका छैनन् । मन्त्रीको जापान भ्रमणको क्रममा नेपाली श्रमिकहरूको विषयमा समेत छलफल हुनेछ ।
