भर्जिनिया । अमेरिकाको भर्जिनिया राज्यको मनासस पार्कमा बस्ने नेपाली नर्स ममता काफ्ले बेपत्ता भएको एक महिना हुन लागिसकेको छ । हत्या आशङ्का गरिएपनि अहिलेसम्म उनको अवस्था अज्ञात छ ।
अभियोजनकर्ता वकिलले अदालतमा यसबारे बताएका हुन् । प्रहरी हिरासतमा रहेका ३७ वर्षीय नरेशलाई सोमबार दोस्रो पटक अदालतमा उपस्थित गराइएको थियो ।
घरको मास्टर बेडरुम र बाथरुममा भेटिएको रगतको मात्राले चोट लागेको व्यक्ति बाँचेको नहुन सक्ने सङ्केत गरेको प्रिन्स विलियम काउन्टीका अभियोजनकर्ता साराह समीले अदालतमा भनेकी थिइन् ।
हरेक प्रमाणले ममता अब ज्यूँदो नरहेको सङ्केत गरेकोले शव नभेटेपनि हत्या अभियोग चलाउन सकिने उनले बताइन् । भट्ट दम्पतीको घरमा भेटिएको रगत ममताकै हो भन्ने पुष्टि भइसकेको छैन । नरेशको वकिलले भने ममता हराएपछि देखिएको जनआक्रोश र शङ्काकै आधारमा उनलाई फसाइएको दाबी गरेका छन् ।
