काठमाडाैं । हरितालिका तिजको अवसरमा तिज विशेष सर्टमुभी ‘लामो हात’ सार्वजनिक भएको छ ।
तुम्सिङ तारा मगरको लेखन तथा निर्देशनमा तयार भएको भिडियो आइतबार काठमाडाैंमा एक कार्यक्रमका बिच सार्वजनिक गरिएको हो ।
मनोज बस्नेतको छायांकन तथा सम्पादन रहेको भिडियोमा लेखक तथा निर्देशक तारा तुम्सिङसंगै मुना मगर, मुना गुरुङ, सपना पुन मगर, कमला पुजारी लगायतको अभिनय रहेको छ । साथै बाल कलाकारको रुपमा श्रेन्जिला गरुङको पनि अभिनय रहेकाे छ ।
सर्टमुभी सार्वजनिक कार्यक्रममा सिद्धलेक गाउँपालिका वडा नं २ का वडाध्यक्ष शम्भु गुरुङ, कलाकार,पत्रकार लगाएतका व्यक्तिहरुको उपस्थिति रहेको थियो ।
कार्यक्रममा वडाध्यक्ष गुरुङले भिडियो सफलताको कामना गर्दै चाडवाडमाथि आएको विकृति निर्मूल गर्न यस्ता भिडियोहरुले महत्वपूर्ण भूमिका खेल्ने धारणा राखे ।
Mr Tumsing युट्युव च्यानल बाट सार्वजनिक भएको भिडियो मार्फत समाजमा व्याप्त वर्गिय विभेद, देखासिकि र देखावटीमाथि सरल ढंगले गम्भिर विषय उठाइएको छ ।
वास्तवमा तिजको गरिमा माथिनै प्रश्न उठ्नेगरि पछिल्लो समय फस्टाउँदै गएको बिकृति विसंगतिलाइ थोरै भएपनि कम गर्न सकिन्छ कि भन्ने उद्धेश्यले भिडियो निमार्ण गरिएको लेखक तथा निर्देशक तारा तुम्सिङले बताउनुभयो । उहाँको यसभन्दा अगाडि पनि धादिङ टु काठमाडाैं भन्ने स्टोरि टेलिङ भिडियो सार्वजनिक भएको थियो।
म्यूजिक भिडियाे तल क्लिक गरेर भिडियो हेर्न सक्नु हुनेछ :-
