काठमाडौं । कालिकोट, रास्कोट नगरपालिका-५ स्थित सडकमा आरसिपी बजारबाट फुकोटतर्फ जाँदै गरेको भे.२ त २६१२ नम्बरको ट्याक्टर आइतबार बेलुकी दुर्घटना हुँदा चालक सुर्खेत चिङ्गार्ड नगरपालिका बस्ने २७ वर्षीय विर परियारको मृत्यु भएको छ ।
दुर्घटनामा गम्भीर घाइते भएका उनको थप उपचारको लागि कालागाउँ अस्पताल सुर्खेततर्फ लैजाने क्रममा बाटोमै मृत्यु भएको हो । साथै दुर्घटनामा गम्भीर घाइते भएका ट्याक्टरमा सवार अन्य २ जनाको कालागाउँ अस्पतालमा उपचार भइरहेको छ ।
काभ्रे, पनौती नगरपालिका-५ स्थित बनेपाबाट पनौतीतर्फ जाँदै गरेको प्र.३-०२-००७ प ५४११ नम्बरको मोटरसाइकल सडकबाट करिब ६ मिटर तल पुन्यमाता खोलामा खसेर सोमबार बिहान दुर्घटना हुँदा चालक नमोबुद्ध नगरपालिका-१ बस्ने २४ वर्षीय दिपेन्द्र खड्काको मृत्यु भएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
