काठमाडौं । संघीय राजधानी सहर काठमाडौंलाई जोड्ने बलम्बु-सिस्नेखोला सुरूङमार्गमा ‘फ्लाइओभर’को काम धमाधम भइरहेको छ ।
त्रिभुवन राजपथसँग जोड्ने गरी बलम्बुमा बनाइएको ‘फ्लाइओभर’ निर्माणको कामले तीव्रता पाएको हो ।
राजमार्गबाट सुरूङमार्गतर्फ सवारी साधन मोडिँदा ट्राफिक जाम हुन सक्ने भएकोले ‘फ्लाइओभर’ निर्माण गरिएको हो ।
अबको एक वर्षभित्र सवारी साधन चलाउने गरी निर्माण भइरहेको नागढुंगा–सिस्ने खोला सुरुङ निर्माण आयोजनाका उपआयोजना निर्देशक गोविन्द दुमरुले जानकारी गराए।
