काठमाडौं । इजरायलले गाजा क्षेत्रमा गरिरहेको आक्रमण रोक्न माग गर्दै काठमाडौंमा प्रदर्शन गरिएको छ। शनिबार काठमाडौंको माइतीघर मण्डलामा प्यालेस्टाइनको समर्थनमा युवाहरुले प्रदर्शन गरेका हुन्।
उनीहरुले ‘सबै युद्ध अपराधीहरुलाई गिरफ्तार गर, नरसंहार बन्द गर, फ्री प्यालेस्टाइन, नेतान्याहूलाई पक्राउ गर, आतंकवादी को?’ लगायतका नारा लेखिएका प्लेकार्ड बोकेका थिए।
युवाहरुले आक्रमणका क्रममा ज्यान गुमाएकाहरुको सम्झनामा मैनबत्तीसमेत बालेका थिए।
