काठमाडौं- । नेकपा एकीकृत समाजवादीका अध्यक्ष माधवकुमार नेपालले पार्टीकाे संसदीय दलको बैठक आह्वान गरेका छन्। जनता समाजवादी पार्टी (जसपा) नेपाल आइतबार फुटेसँगै उनले संसदीय दलकाे बैठक आह्वान गरेका हुन्। बैठक आज दिउँसो १ बजे बानेश्वर शंकर हलमा बस्नेछ। बैठककाे एजेन्डा भने खुलाइएकाे छैन।
आफ्ना असन्तुष्ट सांसदहरूलाई फकाउन अध्यक्ष नेपालले बैठक आह्वान गरेकाे अनुमान छ। जसपा फुटेपछि नेपाल निकै सशंकित छन्। समाजवादीभित्र नेपाललगायतका केही नेता वर्तमान सत्तागठबन्धनसँग रुष्ट भइ कांग्रेससँग गठबन्धन गर्ने प्रयासमा छन् भने झलनाथ खनाललगायतका नेताहरू वर्तमान समीकरणकाे पक्षमा छन्।
जसपाका वरिष्ठ नेता अशोक राईको नेतृत्वमा नयाँ दल गठनको लागि निर्वाचनमा आयोगमा निवेदनमा दर्ता भइसकेकाे छ। दलको नाम नेपाल हटाएर जसपा मात्र राखिएको छ। विभाजनको पक्षमा ८ जना सांसद रहेका जनाइएको छ।
