काठमाडाैं । नेपाली राष्ट्रिय फुटबल टोलीले आज राति र इङ्ग्ल्यान्डको ‘सी’ टोलीबीचको दोस्रो तथा अन्तिम मैत्रीपूर्ण फुटबल खेल्ने भएकाे छ ।
नेपाली समयअनुसार बेलुका याे पौने ९ बजे एल्डरशटमा रहेको ईबीबी स्टेडियममा हुने भएकाे छ। यसअघि गएको शुक्रवार भएको पहिलो मैत्रीपूर्ण खेलमा नेपाली राष्ट्रिय फुटबल टोलीले गोलरहित बराबरी खेलेको थियो ।एल्डरशटमा रहेको मिलिटरी स्टेडियममा भएको खेलमा नेपालले ब्रिटिश आर्मी टोलीसँग गोलरहित बराबरी खेलेको थियो ।
दुई मैत्रीपूर्ण फुटबलका लागि २३ सदस्यीय नेपाली राष्ट्रिय टोली इङ्ग्ल्यान्ड प्रस्थान गरेकाे थियाे । नेपाली राष्ट्रिय टाेलीमा गाेलकिपर : किरण चेम्जाेङ, अभिषेक बराल, विशाल सुनार डिफेन्डर : छिरिङ लामा, सनिश श्रेष्ठ, अभिषेक लिम्बु, विशाल बस्नेत, विमल पाण्डे, साैभाग्य राई, याेगेश गुरुङ, राेहित चन्द मिडफिल्डर : फत्तेमान घले, मणिकुमार लामा, भरत खवास, उत्सव राई, मनिष डाँगी, लकेन लिम्बु फर्वार्ड : दिनेश हेन्जन, अञ्जन विष्ट, जिलेस्पीजङ्ग कार्की, हिसुब थपलिया, समिर तामाङ, सञ्जीव विष्ट रहेकाे छन् ।
