काठमाडौं । कास्की, अन्नपूर्ण गाउँपालिका-४ बस्ने ७७ वर्षीय लिलाधर जैसीको आगोले जलेर बुधबार बेलुकी मृत्यु भएको छ ।
सोही ठाउँस्थित राम्चे सामुदायिक जंगलमा लागेको आगो निभाउने क्रममा जलेर गम्भीर घाइते भएका उनको पश्चिम क्षेत्रीय अस्पताल पोखरामा उपचारको क्रममा मृत्यु भएको हो ।
धादिङ, थाक्रे गाउँपालिका-५ गैरिखर्क बस्ने ७० वर्षीय तेज बहादुर लामा र उनकी श्रीमती ७० वर्षीया ठुली तामाङको आगोले जलेर बुधबार राति मृत्यु भएको छ । लामाको घरमा करेन्ट सर्ट भई आगलागी हुँदा उनीहरू जलेर मृत्यु भएको अवस्थामा फेला परेका हुन् ।
आगलागीबाट घर पूर्ण रूपमा जलेर करिब १२ लाख रूपैयाँ बराबको धनमाल नष्ट भएको छ । यस सम्बन्धमा प्रहरीले आवश्यक अनुसन्धान गरिरहेको छ । करेन्ट लागेर मृत्यु सिरहा, २० वैशाख सिरहा नगरपालिका-१५ सुखचेन बस्ने ४० वर्षीय रंजित कुमार यादबको करेन्ट लागेर बुधबार दिउँसो मृत्यु भएको छ ।
आफ्नै खेतमा जडान गरेको मोटर चलाउने क्रममा करेन्ट लागरे गम्भीर घाइते भएका उनलाई उपचारको लागि प्रादेशिक अस्पताल सिरहातर्फ लैजाने क्रममा बाटोमै मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको छ । बारा, जितपुरसिमरा उपमहानगरपालिका-३ बजनीस्थित साख स्टिल प्रालिभित्र रहेको ट्रासफर्मरमा गएराति आगलागी हुँदा ट्रान्सफर्मर जलेर करिब ६० लाख रूपैयाँ बराबरको धनमाल नष्ट भएको छ ।
प्रहरीले स्थानिय वासिन्दा तथा दमकलको सहयोगमा प्रहरीले आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
