एजेन्सी । दक्षिण कोरियाली स्मार्टफोन निर्माता कम्पनी सामसङ इलेक्ट्रोनिक्सको सञ्चालन मुनाफाले छलाङ मारेको छ ।
यस वर्षको पहिलो त्रैमासमा कम्पनीले ६६ खर्ब वन सञ्चालन मुनाफा गरेको छ ।
मुनाफाको यो आकार गत वर्षको सोही अवधिको तुलनामा ९३१ प्रतिशत धेरै भएको जनाइएको छ ।
समीक्षा अवधिमा कम्पनीले ७१९ खर्ब वन आम्दानी गरेको छ । यो पनि गएको वर्षको सोही अवधिको तुलनामा १२ दशमलव ८१ प्रतिशत धेरै हो ।
ग्यालेक्सी २४ स्मार्टफोन उच्च बिक्रीका कारण कम्पनीको आम्दानी र मुनाफा दुवै बढेको जनाइएको छ ।
मेमोरी चिपको उच्च मूल्यका चिप व्यवसाय नाफामा फर्किदा पनि कम्पनीको फाइदा बढेको हो ।
गएको वर्ष भने माग सुस्ताउँदा कम्पनीले यस अघि कहिले नदेखिएको घाटा बेहोरेको थियो ।
