काठमाडौं । टीभीएस मोटर कम्पनीले लाइफ टाइम ब्याट्री अस्योरेन्सको साथ टीभीएस आईक्यूब ईलेक्ट्रिक स्कुटर सार्वजनिक गरेको छ।
जगदम्बा मोटर्स र टिभिएस मोटर कम्पनीले लाइफ टाइम ब्याट्री अस्योरेन्सको साथ टिभिएस आईक्यूब र टिभिएस आईक्यूब एस गरी टिभिएस आईक्यूबका दुई मोडलहरु सार्वजनिक गरेका हुन्।
ब्याट्री एश्योरेन्स कार्यक्रमको सदस्यता लिने टिभिएस आईक्यूबका ग्राहकहरूले ७०% एसओएच (स्टेट अफ हेल्थ) सम्मको ब्याट्री लाइफ प्राप्त गर्ने छन्।
टिभिएस आईक्यूबको मूल्य २ लाख ९९ हजार ९ सय रहको छ। यसको टप स्पीड भने ७८ km/h रहेको छ भने पीक पावर ४.६ kW रहेको छ। थप जानकारीका लागी टिभिएसका नजिकका डिलरमा गएर बुझ्न कम्पनीले आग्रह गरेको छ।
कम्पनीका अनुसार टिभिएस आईक्यूवका दुई पाङ्ग्रे सवारी साधनहरूले नेपालमा ४ लाख ११ हजार किलोमिटर यात्रा तय गरेर १० हजार २७५ लिटर इन्धन बचत गरेको छ भने वातावरणमा २३ हजार ७६२ किलो कार्वन उत्सर्जन हुन रोकेको छ। विश्वमा टिभिएस आईक्यूवका करिव ३ लाख ग्राहकहरुले करिव १.९ अर्ब किलोमिटर यात्रा तय गर्दै ४७ करोड लिटर इन्धनको बचत गर्न सफल भएको र ६९ हजार ५९० टन कार्वन उत्सर्जन हुनबाट रोकेको कम्पनीले जनाएको छ।
‘हामी हाम्रो पहिलो ईलेक्ट्रिक स्कुटर नेपालमा ल्याउन पाउँदा उत्साहित छाैँ। हामी विश्वस्त छौँ कि लाइफटाइम ब्याट्री एश्योरेन्सको साथ नेपालको स्कुटर बजारमा विद्युतीय सवारीको प्रयोग उल्लेखनीय रूपमा वृद्धि हुनेछ।’ जगदम्बा मोटर्सका कार्यकारी निर्देशक अखिल गुप्ताले भने, ‘ब्याट्री एश्योरेन्स कार्यक्रमको सदस्यता लिने टिभिएस आईक्यूबका ग्राहकहरूले पाँच वर्षमै इन्धन र मर्मतमा रु १ लाख ३५ हजार बचत गर्न सफल हुनेछन्। पेट्रोलको मूल्य बढेसँगै यो बचत पनि बढ्नेछ। आईक्यूबका प्रत्येक ग्राहकले नेपालको पेट्रोल खपत प्रति वर्ष करिव ३०० लिटरले कम गर्नेछन् र कार्वन उत्सर्जन प्रति वर्ष ६९० केजीले घटाउनेछन् जुन पेट्रोल आयात गर्ने र पर्यटकीय गन्तव्य रहेको नेपाल जस्तो देशको लागि ठूलो कुरा हो।’
आईक्यूब नेपालभर ३३ डिलरहरूमा उपलब्ध रहेको कम्पनीले जनाएको छ।
