काठमाडौं । सशस्त्र प्रहरी धनुषाले १० लाख बराबरका भन्सार छलीका सामान बरामद गरेको छ।
भन्सार छलेर ल्याइएका मदिरा, लत्ताकपडा तथा किरानाका सामानहरु गरी १० लाख २० हजार मूल्य बराबरका समानहरु नियन्त्रणमा लिइएको सशस्त्र प्रहरीले जनाएको छ।
सशस्त्र प्रहरी बल, नेपाल नं ८ गण हेडक्वाटर धनुषाका गणपति दर्शन गिरीको सक्रियतामा उक्त सामानहरु बरामद भएका हुन्। भन्सार छली नेपाल तथा भारततर्फ लैजादै गरेका अवैध मालसामानहरु बरामद गरी भन्सार दाखिला गरिएको गणपति गिरीले बताए।
गिरीले जिम्मेवारी सम्हालेको तीन दिनमै उत्तल सामानहरु बरामद भएका हुन्। भर्खरै धुनषाको गणपतिको जिम्मेवारी सम्हालेका गिरीले तस्करी विरुद्ध निर्मम भएर ड्युटीमा खट्न समेत सशस्त्र सुरक्षाकर्मीलाई निर्देशन दिएका छन्।
