काठमाडौं । इथियोपियाको उत्तरमा अवस्थित दुई क्षेत्रमा भोकमरीका कारण ३ सय ७२ जनाको मृत्यु भएको छ । तिग्रेमा ३५१ र अम्हारा क्षेत्रमा २१ जनाको मृत्यु भएको छ ।
खडेरीका कारण भोकमरीको यो अवस्था आएको हो । इथियोपियन इन्स्टिच्युट अफ ओम्बड्सम्यानका प्रमुख एन्डेल हेलेले आफूलाई जनताबाट गुनासो आएको बताए।
यी गुनासो सरकारी निकायका हुन् । अनुसन्धान गर्दा त्रिगेमा ३५१ र अम्हारामा २१ जनाको भोकमरीले मृत्यु भएको पाइएको थियो । दश दिनको अनुसन्धानपछि मात्रै यो कुरा बाहिर आएको हो ।
त्यहाँ धेरै मानिसको मृत्यु भएको हुनसक्छ । जसको बारेमा अहिले कुनै जानकारी छैन । धेरै मानिसको मृत्यु भएको पूर्ण आशंका छ। उनीहरुको अहिलेसम्म गणना भएको छैन ।
अम्हारा र तिग्रे क्षेत्रका सरकारी प्रवक्ता लिगेसी टुलु र मेंगासा फटावलाई सम्पर्क गर्न खोज्दा सम्पर्क हुन सकेन । इथियोपियामा अहिले गृहयुद्धको अवस्था छ । विशेष गरी टिग्रे क्षेत्रमा। यो अफ्रिकाको हर्न नजिक छ। यहाँ दशकौंदेखि खडेरीको समस्या छ ।
संयुक्त राष्ट्रसंघको विश्व खाद्य कार्यक्रमले अहिले २ करोडभन्दा बढी मानिसलाई सहयोगको आवश्यकता रहेको जनाएको छ । अम्हाराको कुरा गर्ने हो भने त्यहाँ बेलाबेलामा झगडा भइरहन्छ ।
यहाँ पनि डरलाग्दो खडेरी परेको छ । यहाँ अम्हाराको सेना र स्थानीय आतंककारीबीच भिडन्त भएको छ । टिग्रेमा सन् २०२२ देखि गृहयुद्ध चलिरहेको छ।
गत वर्षको डिसेम्बरमा टिग्रेका राष्ट्रपति गेटाचे रेडाले आफ्नो क्षेत्रका ९१ प्रतिशत जनता भोकमरीको संघारमा रहेको बताएका थिए । अवस्था अहिले नियन्त्रण बाहिर छ। त्यसबेला सरकारका प्रवक्ता लिगेसी टुलुलाई यसबारे सोध्दा उनले यो भनाइ सही नभएको बताएका थिए ।
गत वर्ष मे महिनामा टिग्रेमा भएको हिंसाका कारण विश्व खाद्य कार्यक्रमले मानिसहरूलाई खाद्यान्न उपलब्ध गराउन बन्द गरेको थियो। किनभने हिंसाका कारण चन्दाको ठूलो हिस्सा चोरी हुँदै आएको थियो ।
यसपछि जूनमा सम्पूर्ण इथियोपियाबाट सहायता रोकिएको थियो। त्यसपछि संयुक्त राष्ट्र संघले पनि कुनै पनि प्रकारको सहयोग गर्न अस्वीकार गरेको थियो । अगस्टमा सीमित मात्रामा खाद्यान्न र अन्य सहायता प्रदान गर्न थालियो। अमेरिकाले डिसेम्बरमा सहयोग गर्न थाल्यो।
