काठमाडौं । नेकपा एकता राष्ट्रिय अभियानका अध्यक्ष बामदेव गौतमले आज भारतको अयोध्यामा आयोजना भइरहेको राम मन्दिरको प्राण प्रतिस्थाको कार्यक्रमप्रति नेपालको स्वाधीनता जोडिएको आशय व्यक्त गर्नु भएको छ । गौतमले सामाजिक सञ्जालमा यस्तो आशयको प्रतिकृया सार्वजनिक गर्नु भएको हो ।
गठबन्धन सरकारले दुई बर्ष पहिले नेपालको कृष्ण गण्डकी नदी किनारमा मात्र पाइने शालिग्राम मध्ये दोश्रो ठूलो करिब दुई टनको शिला भारत सरकारलाई ‘उपहार’ दिएको थियो । यो शिला झण्डै अप्राप्य पुरातात्विक महत्वको बस्तु भएको हुनाले यस्तो बस्तु उपहार दिदा नेपालको संविधानको धारा २७९ को उपधारा २ को १ अन्तर्गतको घ आकर्षित हुनुपर्ने तर्पm गौतमले ध्यानाकर्षण गराउनु भएको छ । यस्तो बस्तु उपहार दिनु भन्दा पहिले संसदको दुई तिहाई बहुमतबाट पारित हुनेगरि दुई देशबीच सन्धी हुनेपर्ने समेत गौतमको सुझाव रहेको छ । गौतमले यो शिला गठबन्धन सरकारका कुनै नेताको व्यक्तिगत बस्तु नभएको तर्फ पनि ध्यानाकर्षण गराउनु भएको छ । प्रस्तुत छ गौतमको भनाई : –
‘नेपालको कृष्ण गण्डकी नदी किनारमा मात्र पाइने शालिग्राम मध्य दोश्रो ठूलो शिला करिव दुई टनको २ बर्ष पहिले तत्कालीन गठबन्धन सरकारले भारतलाई उपहार दियो। यो झण्डै अप्राप्यअवस्थाको पूरातात्विक महत्वको बस्तु हो। यसको अनुसन्धानबाट टेथिस सागरको अवस्थितीको समय टुंगो लाग्न सक्ने यो प्रमाण हो। यो शीलाबाट अयोध्यामा वनाइएको रामको मूर्ती सहितको महाराम मन्दिरमा प्राण प्रतिष्ठापन कार्यक्रम भइरहेको छ। सुन्नमा आएअनुसार नेपालको नाम त्यहां उल्लेख छैन। यो नेपालको संबिधानको धारा २७९ उपधारा २ को १ अन्तर्गत ‘घ’ आकर्षित हुने बिषय हो। यस्तो कृयाकलाप सम्पन्न हुनु अघि नेपाल र भारत सरकारबीच संबिधानको उपरोक्त धारा बमोजिम सन्धी हुनु पर्छ। संसदको २ तिहाई बहुमतबाट सो सन्धी अनुमोदन हुनु पर्छ। उपरोक्त कुनै प्रक्रिया पुरा नगरी आफ्नो गोजीको बस्तु दिए जस्तै गरिएको यो अवैध कामका लागि तत्कालीन नेपाल सरकार सजाय भागी हुनै पर्छ।’
—वामदेव गौतम
अध्यक्ष
नेकपा एकता राष्ट्रिय अभियान
८ माघ २०८०
