पोखरा / पोखरामा पार्किङ गरेर राखेको जिप चोरी भएको छ । बुधबार विहान साढे १ बजे पोखरा अमरसिंह माविको खेल मैदानमा पार्किङ गरेर राखिएको ग २ च २३४३ नम्बरको बलेरो जिप चोरी भएको हो।
वडा प्रहरी कार्यालय रामबजारको टोलीले चोरी गर्ने युवकलाई आजै पक्राउ गरेको छ। पोखरा–१४ खाल्टेमसिनाका २० वर्षीय गोविन्द परियारलाई पक्राउ गरेको जिल्ला प्रहरी कार्यालय कास्कीका सूचना अधिकारी डिएसपी श्रवणकुमार विकले बताए। उनलाई पोखराको समिनतराबाट पक्राउ गरेको उनको भनाइ छ।
जिल्ला अदालत कास्कीबाट चोरी तथा डाँका सम्बन्धि मुद्वामा ६ दिनको म्याद थप भएको डिएसपी विकले जानकारी दिए। उनका अनुुसार थप अनुसन्धान भइरहेको छ। यसअघि पोखरामा रोकी राखेको बस नै चोरी भएको थियो।
