काठमाडौं / फिफा ‘द वेस्ट’ अवार्डमा फिफा राष्ट्रका सदस्य देशहरूका कप्तान, प्रशिक्षक र पत्रकारले भोट गर्ने प्रावधान छ। विश्वभरको भोटका आधारम लियोनल मेसी ‘फिफा द वेस्ट’ प्लेयर बनेका छन्।
लन्डनमा आयोजित कार्यक्रमबीच २०२२ को विश्व विजेता कप्तान लियोनल मेसीले अवार्ड हात पारे। तर नेपालबाट भोटिङको अधिकार पाएका प्रशिक्षक भिन्सेन्जो अल्बर्टो एनेसले भने मेसीलाई शीर्ष तीनमा समेत भोट दिएनन्।
एनेसले पहिलो नम्बरमा अर्लिङ हालान्डलाई भोट दिँदा, दोस्रोमा रोड्री र तेस्रोमा केभिन डी ब्रुएनालाई भोटिङ गरेका छन्।
कप्तान किरण लिम्बुले भने मेसीलाई पहिलो नम्बरमा भोटिङ गर्दा केलियन एम्बाप्पेलाई दोस्रो र हालान्डलाई तेस्रो नम्बरमा राखे।
नेपालको मिडियाको तर्फबाट भने गोल नेपाल डटकमा सञ्चालक विक्रम थापाले भोटिङ गरेका थिए। उनले अर्लिङ हालान्डलाई पहिलो नम्बरमा राख्दा जुलियन अल्भारेजलाई दोस्रो तथा मेसीलाई तेस्रो नम्बरमा राखे।
