काठमाडाैं । पटक हेरिएको २३ औँ संस्करणको आहा १ रारा पोखरा गोल्ड कप फुटबल प्रतियोगितामा १२ टाेलीको सहभागिता हुने भएको छ ।
बिहीबार पोखरामा पत्रकार सम्मेलन गरेर आयोजक सहारा क्लबले प्रतियोगितामा भारत र भुटानका सहित १२ टिमले भाग लिने जानकारी गराएकाे छ ।
प्रतियोगितामा दुई विभागीय टिम नेपाल पुलिस क्लब र त्रिभुवन आर्मी क्लबको साथै मनाङ मर्स्याङ्दी, संकटा क्लब, मच्छिन्द्र क्लब, चर्च ब्वाइज युनाइटेड, जावलाखेल यूथ, थ्री स्टार क्लब, नवलपुरको राइजिङ फुटबल क्लब, भारतको दिल्ली फुटबल क्लब, भुटानको पारो फुटबल क्लब र आयोजक सहाराले भाग लिने क्लबका अध्यक्ष केशवराज बरालले जानकारी दिनुभयो ।
माघ ९ गतेदेखि २० गतेसम्म सञ्चालन हुने प्रतियोगिताको विजेताले १२ लाख र उपविजेताले ६ लाख पुरस्कार प्राप्त गर्ने छन् भने पाँच विधाका उत्कृष्ट खेलाडी पनि पुरस्कृत हुनेछन् । यो पटक सहारा क्लबले राष्ट्रिय टिममा उत्कृष्ट प्रदर्शन गर्ने एक जना खेलाडीलाई पनि सम्मान गर्ने जनाएको छ ।
