काठमाडौं । कञ्चनपुर, भिमदत्त नगरपालिका-१८ पुस्पलाल चोकबाट अवैध लागूऔषध चरेश जस्तो देखिने पदार्थ १ ग्राम ८६ मिलिग्रामसहित सोही नगरपालिका-१४ पलिया बस्ने २२ वर्षीय पारस चन्द समेत ३ जनालाई आइतबार दिउँसो प्रहरीले पक्राउ गरेको छ ।
अस्थायी प्रहरी बिट पुष्पलाल चोकबाट खटिएको प्रहरीले उनीहरूलाई उक्त पदार्थसहित पक्राउ गरेको हो । यसैगरी कञ्चनपुर, पुनर्वास नगरपालिका-११ बाट अवैध लागूऔषध खैरो हेरोइन जस्तो देखिने पदार्थ ८ सय ५ मिलिग्राम र नियन्त्रित लागूऔषध नाईट्राजेपाम १५ ट्याब्लेटसहित सोही ठाउँ बस्ने १८ वर्षीय किशोर समेत ४ जनालाई आइतबार दिउँसो प्रहरीले पक्राउ गरेको छ ।
ईलाका प्रहरी कार्यालय त्रिभुवनबस्तीबाट खटिएको प्रहरीले ती किशोरको घर तलासी गर्ने क्रममा उक्त लागूऔषध फेला पारी उनीहरूलाई पक्राउ गरेको हो । झापा, भद्रपुर नगरपालिका-५ स्थित मेचीपुलबाट अवैध लागूऔषध ब्राउनसुगर जस्तो देखिने पदार्थ १ ग्राम ३० मिलिग्रामसहित बिर्तामोड नगरपालिका-९ कचुवारी बस्ने १९ वर्षीय सुनिल महतोलाई आइतबार साँझ प्रहरीले पक्राउ गरेको छ ।
प्रहरी बिट मेचीपुलबाट खटिएको प्रहरीले उनलाई उक्त पदार्थसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
