काठमाडौं । संयुक्त अरब इमिरेट्सबाट ३०३ भारतीय यात्रु लिएर उडेको जहाज शुक्रबार फ्रान्समा उतारिएको छ ।
उक्त विमान निकारागुआका लागि उडेको बताइएको छ । यूएईबाट ३०० भन्दा बढी भारतीय यात्रुसहित उडेको जहाज फ्रान्समा उतारियो फ्रान्सेली मिडियाहरूका अनुसार रोमानियाली लिजेन्ड एयरलाइन्सको एयरबस ए-३४० विमान निकारागुआको राजधानी मानागुआगा प्रस्थान गर्दै गियो । उक्त विमान चार्टड गरिएकोसमेत बीबीसी हिन्दीले जनाएको छ । विशेष सूचनाका आधारमा उक्त विमानलाई पेरिसभन्दा १५० किलोमिटर दूरीमा रहेको वेटरी विमानस्थलमा उतारिएको थियो ।
सुरक्षा अधिकारीहरूले विमानमा सवार केहीय यात्रुलाई नियन्त्रणमा लिएर विमानस्थल नै सिल गरेका थिए । घटनाका बारेमा अनुसन्धान जारी रहेको पनि फ्रान्सेली अधिकारीले जनाएका छन् । पेरिसस्थित भारतीय दूतावासले उक्त विमानलाई फ्रान्सको एक विमानस्थलमा ‘टेक्निकल हल्ट’ कारण रोकिएको जनाएको छ । साथै भारतीय दूतावासका अधिकारी विमानस्थलमा पुगिसकेका पनि छन् । उनीहरूले पनि घटनाको जाँच गरिरहेको दूतावासले जनाएको छ ।
