काठमाडौं । एकीकृत समाजवादीले पार्टीको महाधिवेशन २०८१ जेठ ३ देखि ७ गतेसम्म गर्ने भएको छ। सोमबार र मंगलबार बसेको एकीकृत समाजवादीको सचिवालयको बैठकले सो निर्णय गरेको प्रवक्ता जगन्नाथ खतिवडाले बताएका छन्।
महाधिवेशन काठमाडौंमा हुने खतिवडाले उल्लेख गरेका छन्। यसअघि महाधिवेशन माघ १४ गतेदेखि गर्ने तालिका थियो।
साथै सो पार्टीले माघ १४ र १५ गते राष्ट्रिय सम्मेलन गर्ने भएको छ भने त्यसअघि मंसिर २८ र २९ गते सचिवालय बैठक बस्ने, पुस ९ गते स्थायी कमिटी, पुस १० गते पोलिटव्यूरो र पुस ११ र १२ गते केन्द्रीय कमिटी बैठक बोलाउने निर्णय पनि भएको खतिवडाले जानकारी गराएका छन्।
