काठमाडाैं । जेडी पावरले चेरीको टिग्गो सिरिज सार्वजनिक गर्दै आफ्नो अपिल अध्ययन प्रकाशित गरेको छ ।
मध्यम आकारका किफायती ‘एसयूभी’हरूमा टिग्गो ७ र मध्यम आकारका एसयूभी’हरूमा टिग्गो ८ दुवैले पहिलो स्थान प्राप्त गर्न सफल भएका छन् ।
यसले ग्राहकहरूमा बढ्दै गइरहेको लोकप्रियतालाई नयाँ उचाइमा पुर्याउने कम्पनीको विश्वास छ । साथै यस्ता विश्वसनीय र चर्चित अवार्डबाट सम्मानित हुनु चेरीको गुणस्तर र आकर्षणको प्रमाण भएको कम्पनीले दाबी गरेको छ ।
ूस्वतन्त्रता र निष्पक्षताकोू लागि प्रसिद्ध जेडी पावर उद्योगमा उच्च विश्वासिलो नाम हो । नियमितरूपमा अनुसन्धान प्रतिवेदन प्रकाशन गर्दै आइरहेको जेडी पावरले अहिले चिनियाँ बजारमा पनि स्थान बनाउन थालेको छ ।
२१ वर्षको यात्रामा जेडी पावरको अपिल अध्ययनले २०२२ जुनदेखि मार्च २०२३ सम्म खरिद भएका ३५ हजार १५५ इन्धन गाडीहरूलाई आफ्नो अध्ययनमा समेटेको थियो । यस अनुसन्धानमा २०२२ डिसेम्बरदेखि २०२३ मेसम्म ८१ मुख्य चिनियाँ शहरमा फरक–फरक ४८ ब्रान्डका २३० मोडेलहरू सामिल गरिएको थियो । चीनको इन्धन यातायात उद्योगले ७३८ अंक वृद्धिसँगै अहिलेसम्मकै उच्च सूचाङ्क छोएको छ जुन अघिल्लो वर्षभन्दा ८ अंकको सुधार हो । यसले उपभोक्ताहरूको गाडी खरिदको निर्णयमा उत्पादन अपिलको बढ्दो महत्वलाई जोड दिएको छ । विशेष गरी उत्पादन डिजाइनले गाडी परिवर्तन गर्नेहरूमा ३७ प्रतिशत र पहिलोपटक खरिद गर्नेहरूमा ३३ प्रतिशतलाई प्रभावित गर्दै महत्वपूर्ण भूमिका खेलेको छ ।
