काठमाडौँ / गत चैतमा शंखमूलमा खुकुरी हानेर फरार रहेका युवकलाई प्रहरीले पक्राउ गरेको छ ।
रामेछाप मन्थली नगरपालिका-११ घर भई हाल बुढानीलकण्ठ नगरपालिका बस्ने ३० वर्षीय निरज मगर भन्ने सुमन थापा मगर पक्राउ परेको प्रहरीले जानकारी दिएको छ।
काठमाडौं उपत्यका अनुसन्धान कार्यालयको टोलीले उनलाई चाबहिलबाट पक्राउ गरी ज्यान मार्ने कसूरमा आवश्यक कारबाहीका लागि नयाँ बानेश्वर प्रहरी वृत्त पठाएको छ।
गत चैत ९ गते दिउँसो उनले शंखमूलमा सुरज खड्का नाम गरेका युवकलाई खुकुरी हानेका थिए।
