काठमाडौँ – जिल्ला सरकारी वकिल कार्यालयले भदौ १० गते ललिता निवास जग्गा प्रकरणमा ३१० जनाविरुद्ध दायर गरेको अभियोगपत्र संशोेधन गरेको छ।
सरकारी वकिल कार्यालयले आइतबार जिल्ला अदालतलाई पत्राचार गर्दै अभियोगपत्रमा त्रुटी भएको भन्दै सच्याउनका लागि निवेदन दिएको हो। प्रतिवादी बनाइएका चन्द्रदेव जोशीविरुद्ध यसअघि ६३ करोड १० लाख बिगो दाबी गरिएकोमा जिल्ला न्यायाधिवक्ता महेश प्रसाद खत्रीले पत्रचार गर्दै ६२ करोड कायम गरिदिन अनुरोध गरेका छन्।
अभियोगपत्रमा जोशीविरुद्ध ६३ करोड १० लाख कायम गरेकोमा त्यसलाई सच्याइ अब जम्मा १ करोड ८ लाख ७९ हजार ८१० रुपैयाँ मात्रै कामय गर्न आग्रह गरेका छन्।
जिल्ला सरकारी वकिल कार्यालयले सिआइवीले दिएको सिफारिस त्रुटीपूर्ण रहेको भन्दै सच्याउन भनेको पत्रमा जनाएको छ। त्यसमा भनिएको छ, ‘प्रतिवादी चन्द्रदेव जोशीको हकमा केन्द्रीय अनुसन्धान व्यूरोको च।नं। २४७०, मिति २०८०।०५।१२ गतेको पत्रबाट विगो फरक परेकोले सच्याई दिनु भनी पत्र प्राप्त भएकोले उक्त अभियोगपत्रको पृष्ठ ६२९ को दशौ र चौधौ हरफमा विगो रु।६३,१०,००,०००। लेखिएको ठाउँमा विगो रकम रु।१।०८।७९।८१०। (एक करोड आठ लाख उनासी हजार आठ सर दश० कायम गरी सच्याई पाउन…।’
जोशी बयानका लागि सिआइवी पुगे पनि उनलाई त्यत्तिकै फिर्ता गरिएको थियो। तर अभियोगपत्रमा भने उनलाई फरारको सूचीमा राखिएको छ।
त्यस्तै सरकारी वकिल कार्यालयले प्रविण ताम्राकारलाई जग्गा फिर्ताट प्रयोजनका लागि मात्र प्रतिवादी कायम गरिदिन आग्रह गरेको छ। यसअघि उनलाई मुख्य प्रतिवादीको सूचीमा राखिएको थियो।
सरकारी वकिल कार्यालयले अभियोगपत्रको पृष्ठ नं। ६६१ मा उल्लेखित प्रतिवादीहरु विनिता अधिकारी र सुधिरा अधिकारी भट्टराईको नाम हटाई पनि अनुरोध गरेको छ।
