म्याग्दी । अल्पसङ्ख्यक जाती छन्त्यालको बसोबास रहेको म्याग्दीको रघुगंगा गाउँपालिका–८ कुइनेमङ्गले जोड्ने सडक खुलेकाे छ । असारकाे पहिलो हप्ता बन्द भएको सडक हिजाेबाट खुलेको हाे ।
रघुगङ्गा गाउँपालिकाको कुइनेमंगले क्षेत्रमा यस वर्ष आलु उत्पादन राम्रो भएको र त्यसको बजारीकरणका लागि कृषकले गाउँपालिकालाई सडक खुलाइदिन गरेको आग्रह गरेकाले पनि वर्षा कम हुन साथ सडक खुलाइएको गाउँपालिकाका इन्जिनियर सुदिप गौतमले बताउनुभयो । उहाँका अनुसार बेनी–राखु–दग्नाम–चिमखोला हुँदै कुइनेमंगले जोड्ने सडक खुलेसँगै रघुगंगा गाउँपालिका–७ चिमखोलाको नकालडाँडा, नामेला, वडा नं. ८ कुइनेमंगलेको कुइने, मंगले, घ्यासीखर्क, पात्लेखर्कलगायतका गाउँका बासिन्दाले प्रत्यक्ष लाभ पाउने छन् ।
यस वर्ष यस क्षेत्रमा आलु उत्पादन राम्रो भएको भएको छ र आलु बजार पुगाउनका लागि सडक सुचारु हुनु आवश्यक रहेकोले कुइने मंगले जोड्ने सडक सूचारु बनाइएको हो । कुइनेमंगलेलाई सडक सञ्जालले जोड्ने एकमात्रै चिमखोला–घ्यासीखर्क सडकखण्ड अन्तर्गत चिमखोलाको मालाङमा गएको पहिरोले झण्डै दुई सय मिटर सडक बगाउँदा सडक अवरुद्ध भएको गाउँपालिकाका अध्यक्ष भववहादुर भण्डारीले बताउनुभयो । पहिरोले सडकमा ठूलो क्षती पु¥याएकाले वर्षा नरोकिँदा सडक मर्मत गर्न सकिएको थिएन, पहिरो वर्षा केही रोकीएपछि त्यस क्षेत्रमा रहेका जलबिद्युत आयोजनाहरु सँगको समन्वयमा सडक सञ्चालन गरिएको हो ।
वर्षा कम भएपछि सडकलाई सुचारु गराउनका लागि रघुगंगा क्षेत्रमा निर्माणधिन अवस्थामा रहेका तीन वटा जलविद्युत आयोजनाहरुसँग समन्वय गरेर उनीहरुको मेसिन प्रयोग गरी सवारी साधन आवतजावत गर्नका लागि अस्थायी रुपम सडक सुचारु भएको रघुगंगा गाउँपालिका–७ चिमखोलाका वडा अध्यक्ष थकबहादुर पाईजा (रिम पाइजा)ले जानकारी दिनुभयो ।
“सडक अवरुद्ध हुँदा बिरामी परेका सर्वसाधारणलाई अस्पतालसम्म पु¥याउन पनि निकै सास्ती भएको थियो अब भने सहज भएको छ”, उहाँले भन्नुभयो । अहिले सडक पूर्ण रुपमा जोखिम रहित भन्दा पनि अस्थायी रुपमा सञ्चालन गरीएको हो जोखिम भने कायमै छ । त्यसैले कुनैपनि समय पहिरो तथा ढुंगा खस्ने जोखिम रहेकाले यात्रु, सर्वसाधारण र सवारी चालकहरुले सवारी सञ्चालन गर्दा एवम् यात्रा गर्दा उच्च सावधानी अपनाउनु पर्ने उहाँले बताउनुभयो ।
रघुगंगा गाउँपालिकाका इन्जिनियर सुदिप गौतमका अनुसार चिमखोला र कुइनेमंगले क्षेत्रमा निर्माणधिन तुदी पावर लिमिटेड प्रर्वद्धक रहेकोे राहुघाट मंगले, अपर राहुघाट र संयुक्त उर्जा प्रालीको ठुलोखोला जलबिद्युत आयोजनाका मेसिनहरुले लगातार पाँच दिनसम्म चिमखोला र गौडामुनीतर्फबाट दुई वटा डोजर परिचालन गरेर पहिरो हटाएपछि सडक सुचारु भएको हो ।
लामो समयदेखि सडक अवरुद्ध हुँदा कुइनेमंगले क्षेत्रमा बोलेरो, जिप, ट्याक्टर, ट्रक लगायतका दर्जनाँै सवारी साधनहरु रोकिएका थिए । सडक अवरुद्ध हुँदा कुइनेमंगलेका स्थानीय सडक सञ्जालको सम्पर्कबाट बिच्छेद भएका थिए । स्थानीय स्तरमा उत्पादन भएको आलुको बजारीकरण र जलविद्युत आयोजनाहरुको निर्माण सामग्री ढुवानीमा समस्या भएको थियो । अमृतप्रसाद पौडेल, गाेरखापत्र
