काठमाडौँ / बागमती प्रदेशले बिहीबारदेखि गाडी भाडा बढाएको छ ।
बागमती प्रदेशको श्रम, रोजगार तथा यातायात मन्त्रालयले भाडा बढेको जनाएको हो। मन्त्रालयद्वारा बिहीबार प्रकाशित प्रदेश राजपत्रअनुसार उपत्यका बाहिर बागमती प्रदेशमा चल्ने यात्रुबाहक सवारीमा ५ दशमलव ३१ प्रतिशत भाडा बढेको छ भने मालबाहक सवारी साधनमा ७ दशमलव ७७ प्रतिशत अर्थात भाडा बढेको छ।
काठमाडौं उपत्यकामा ५ किलोमिटरसम्म यात्रा गर्दा यात्रुबाहक सार्वजनिक सवारीमा १८ बाट १९ रुपैयाँ ५० पैसा, १० किलोमिटरसम्म यात्रा गर्दा २४ रुपैयाँबाट २६ रुपैयाँ, १५ किलोमिटरसम्म यात्रा गर्दा २९ रुपैयाँबाट ३१ रुपैयाँ ४१ रुपैयाँ पुगेको छ । २० किलोमिटरसम्म यात्रा गर्दा ३२ बाट ३३ रुपैयाँ ६६ पैसा, २० किलोमिटर भन्दा माथि ३७ रुपैयाँबाट ४० रुपैयाँ ८ पैसा लाग्ने भएको छ।
ट्याक्सीमा पनि चढ्नेवित्तिकै ५२ रुपैयाँ भाडा लाग्ने भएको छ । यस्तै बेलुका ९ बजेदेखि बिहान ४ बजेसम्मको भाडादर प्रति २ सय मिटर १५ रुपैयाँ ५२ पैसा लाग्ने भएको छ ।
