काठमाडाैं । बिप्लव नेतृत्वको नेकपाले एमसीसी कार्यान्वयन गर्न नदिने भन्दै अवरोध अभियान सुरु गरेको छ ।
नेकपाले एक प्रेस बिज्ञप्ति जारी गर्दै भनेको छ – केही दिन यता अमेरिकी परियोजना एमसीसी र नेपाल सरकार बीच कार्यान्वयन गर्ने सहमति पत्रमा हस्ताक्षर हुँदै छ भन्ने जानकारीले हामीलाई गंभीर बनाएको छ । यसबारे नेपाल कम्युनिष्ट पार्टीको धारणा स्पष्ट गर्न साथै संघर्षका कार्यक्रम घोषणा गर्न यो प्रेस वक्तव्य जारी गरिएको छ ।
एमसीसी राष्ट्रघाति छ भन्नेमा देश एकताबद्ध थियो । देशभक्त जनताले जोडदार संघर्ष पनि गरे । पछि संसद्ले समेत १२ बुँदे ब्याख्यात्मक टिप्पणी पारित गर्न बाध्य भयो । यसले स्पष्ट गर्योकि कमतिमा १२ बुदाहरु नसच्याएसम्म एमसीसी नेपालको स्वाधीनता र सार्वभौंमिकता विरुद्ध छ । तर अमेरिकाले देशभक्त नागरिकको माग र आवाजको मात्र होइन संसद्ले पास गरेको १२बुदे टिप्पणीप्रति पनि कुनै वास्ता गरेन । यस्तो स्थितिमा एमसीसीलाई कार्यान्वयनमा लैजाने विषय सम्पूर्णरुपले अस्वीकार्य एवं असैह्य छ । हामीले एकल र सयुक्तरुपमा स्पष्ट गरेका थियौंकि यदि अमेरिकाले सहयोग गर्न चाहन्छ भने ऊ निसर्त नेपाल सरकार मातहत आउनु पर्छ तर ऊ त्यसरी नआएर नेपाललाई आफ्नो सैन्य अखडा बनाउने घोषित उद्देश्यसहित आइरहेको छ ।
यसको पछाडि विश्व राजनैतिक धु्रवीकरणको मोर्चामा नेपाललाई छिमेकी राष्ट्र चीन र भारतका विरुद्ध उपयोग गर्ने साथै नेपाली राजनीतिलाई आफ्ना दलालहरु मार्फत आफ्नो मुठ्ठीमा राख्ने सोच छ । यदि यसलाई लागु गर्न दिएमा कुनै दिन नेपाल अमेरिकाको उपनिवेश मात्र होइन एसियाको युक्रेन बन्ने प्रष्ट छ ।
यस्तो घातक सोच र उद्देश्य नेपाल र नेपालीका लागि कदापी स्वीकार्य र सैह्य हुन सक्दैन । हामी गरीबनै भए पनि आफ्नै खुट्टामा उभिएर बाच्न चाहन्छौं । पछि नै परका भए पनि आफ्नाे स्वाभिमान र स्वाधीनतासहित अगाडि बढ्न चाहन्छौं । हामी आफ्नै क्षमता र बलमा विश्वमा परिचय दिन सक्छौं भन्ने विश्वास छ ।
कुनै पनि सहयोग लिने र दिने नाममा २१औं सदी जस्तो अत्याधुनिक युगमा उपनिवेश या गुलाम बन्न असंभव छ । नुवाकोट, पाल्पामा एमसीसीको नाममा विशाल जमिन जसरी किनिदै छ त्यहाँ केवल टावर बनाउने आवश्यकताले नभएर अमेरिकी सैन्य अखडा बनाउने उद्देश्यले गरिदै छ भन्ने जस्ले पनि बुझ्न सक्छ । त्यहाँका सोझा आदिवासी जनताको जमिन कौडीको भाउँमा यहाँका दलालहरुका मार्फत खरिद गरेर कब्जा गरिने कुरा पचाउनै सकिदैन । तसर्थ हाम्रो आम देशभक्त, कम्युनिष्ट, प्रगतिशील लोकतन्त्रवादी सवैलाई आह्वान गर्न चाहन्छकि केही अरबको लोभ र भूमण्डलीकृत अमेरिकी साम्राज्यवादको डरमा रत्तिभर नपरौं । हामी कहिल्यै विदेशीको प्रत्यक्ष गुलाम नभएको इतिहास स्मरण गर्दै र त्यसको रक्षा गर्दै एमसीसीको खारेजीका लागि संघर्ष गरौं । राष्ट्रिय स्वाधीनताको संघर्ष भनेको केवल पार्टी, सरकार र नेताहरुको मामिला होइन ।
यो सिङ्गै देश र देशबासीको साझा विषय हो । यदि समयमै अमेरिकी साम्राज्यवादी हस्तक्षेपलाई बुझिएन भने देशले ठूलो मूल्य चुकाउनु पर्ने छ र नागरिकहरु पछुताउनु पर्ने छ । यसबारे नेपाल सरकार, सम्पूर्ण राजनैतिक दलहरु, बुद्धिजीवी, नागरिक अगुवा सबै सचेत हौंन भन्ने हाम्रो धारणा छ । हामी जो जहाँछौं त्यहीबाट यो राष्ट्रघाति संझौंताका विरुद्ध आवाज उठाऔं, संघर्ष गरौं र एमसीसीलाई असफल पारौं । हाम्रो पार्टी देशमाथि हस्तक्षेप गर्ने अमेरिकी साम्राज्यवादी शासक गूटका विरुद्ध सम्पूर्णरुपले प्रतिरोध संघर्षमा उत्रिने जानकारी गराउँद छौं ।
धन्यवाद हाम्रा कार्यक्रमहरु १) भदौं ६गते देशव्यापी वालिङ नाराहरु — राष्ट्रघाति एमसीसी संझौता —खारेज गर, खारेज गरौं । २) भदौं ७गते एमसीसीको पुत्ला दहन ३) भदौं ८गते एमसीएको प्रमुख खडकबहादुर विष्टको पुत्ला दहन ४) भदौं ९ गते गाउँगाउँमा जागरण प्रचार ५) भदौं १०गते देशव्यापी जनप्रदर्शन ६) भदौं ११गते काठमाण्डौंमा एमसीसीबारे अन्तरक्रिया ७) भदौं १२गते नुवाकोट, तनहुमा एमसीसीबारे अन्तरक्रिया विप्लव सी महासचिव नेपाल कम्युनिष्ट पार्टी
