नयाँ दिल्ली । जर्मन वायुसेनाका प्रमुख लेफ्टिनेन्ट जनरल इन्गो गेरहर्जले भारतीय वायुसेनासँग संयुक्त सैन्य अभ्यास गर्न प्रस्ताव गरेका छन् । हिन्द प्रशान्त क्षेत्रमा चीनको बढ्दो प्रभावलाई मध्यनजर गर्दै जर्मनीले भारतसँग संयुक्त सैन्य अभ्यासको प्रस्ताव गरेको हो ।
पछिल्लो समय जर्मनीले भारतसँग हवाईसँगै नौसैनिक अभ्यासमा पनि जोड दिइरहेको छ । जर्मन र भारतीय नौसेनाले यही वर्षको अन्त्यतिर संयुक्त सैन्य अभ्यास गर्ने तय भएको छ ।
चीनको बढ्दो प्रभावका कारण जर्मनीले भारतसँगको रक्षा सम्बन्धलाई थप सुदृढ गर्ने प्रयास गरिरहेको बताइन्छ । गत जुन महिनामा जर्मन रक्षामन्त्री बोरिस पिस्टोरियसले पनि भारत भ्रमण गरेका थिए ।
