वीरगञ्ज – सशस्त्र प्रहरीले बिलबिजकभन्दा फरक र बढी सामान बोकेका चार वटा ट्रकलाई सामानसहित नियन्त्रणमा लिएको छ।
सशस्त्र प्रहरीले वीरगञ्ज महानगरपालिका–८ घण्टाघर इलाकाबाट सशस्त्र प्रहरीले एक करोड ९८ लाख २० हजार ३ सय १५ रुपैयाँ बराबरको सामानसहित चार वटा ट्रक नियन्त्रणमा लिएको हो।
बिलबिजकभन्दा बढी र फरक सामान बोकेको सूचनाका आधारमा वीरगञ्जबाट पथलैयातर्फ जाँदै गरेको ना २ ख ९४९१, ना ४ ख ८३३४, ना ३ ख १००९ र ना ३ ख ८०३९ नम्बरको ट्रक नियन्त्रणमा लिएको हो।
नियन्त्रणमा लिइएका ट्रकमा औषधि, किराना तथा हार्डवेयर र कम्प्युटरका पार्ट्स छन्। उक्त ट्रक आवश्यक अनुसन्धानका लागि राजश्व अनुसन्धान कार्यालय पथलैयामा बुझाइएको सशस्त्र प्रहरीले जानकारी दिएको छ।
