आईओएलमा प्रतिस्पर्धा गर्दै नेपाली टिम

साउन ५ देखि चलिरहेको उक्त कार्यक्रममा विभिन्न देशका करिब ४० टोलीबाट २०० बढीले भाग लिइरहेका छन् । पहिलो पटक सन् २०१९ मा दक्षिण कोरियामा भाग लिएको नेपाली टोलीको यो दोस्रो सहभागिता हो ।

सन् २००३ देखि सुरु भएको यस प्रतियोगिता प्रत्येक वर्ष फरक फरक  देशमा आयोजना हुने गर्छ । विशेष गरेर प्रतियोगितामा सहभागीहरूले विभिन्न पजल र चुनौतीबाट भाषाको व्याकरण, संरचना, संस्कृति र इतिहासको विश्लेषण गर्ने गर्छन् ।

साउन १३ सम्म चल्ने प्रतियोगितामा सहभागी भएर टोली नेपाल फिर्ता हुने छ । नेपालमा भने हिमालयन कम्प्युटेसनल लिङ्ग्विस्टिक ओपम्लियाडको ब्यानर र ल्याङ्ग्वेज टेक्नोलोजी केन्द्रको सहयोगमा नेसनल लिङ्ग्विस्टिक ओपम्लियाड हरेक वर्ष सञ्चालन हुँदै आएको छ ।