काठमाडौं । कपाल फुल्नु(सेतो हुनु) बाहिरी तत्वमा मात्र भर पर्दैन, शरीरमा कुनैपनि पोषक तत्वको कमीले पनि कपाललाई समयभन्दा पहिले सेतो बनाउन सक्छ।
भिटामिन ‘बी’-१२ एक यस्तो भिटामिन हो जसको कमीले समयभन्दा पहिले कपाल सेतो हुन्छ। कपाललाई स्वस्थ राख्न भिटामिन ‘बी’-१२ आवश्यक हुन्छ। कपालको जरामा कपालको फोलिकल्स हुन्छ, जसले कपाललाई बलियो बनाउँछ र कपाललाई कालो बनाउँछ।
शरीरमा भिटामिन ‘बी’-१२ को कमीका कारण कपालको सेतोपन छिटो हुन्छ। यस्तो अवस्थामा यदि यो भिटामिनलाई आहारमा समावेश गरियो भने कपाल केही हदसम्म कालो हुन थाल्छ।
यस बाहेक यहाँ केही यस्ता घरेलु उपायहरू छन् जसले सेतो कपालको समस्यालाई हटाउन मद्दत गर्नेछ र तपाईंको कपाल प्राकृतिकरूपमा कालो हुनेछ।
करीको पात
कपाल कालो बनाउन करी पात धेरै तरिकामा प्रयोग गर्न सकिन्छ।
करी पातको हेयर पेस्ट बनाउन २ चम्चा गुजबेरी पाउडर २ चम्चा ब्राह्मी पाउडर मिसाएर त्यसमा मुट्ठीभर करी पात पिसेर राख्ने।
सो मिश्रणमा आवश्यकता अनुसार पानी हालेर पेस्ट बनाउनुहोस्।
यो हेयर पेस्ट कपालमा आधा घन्टा लगाएपछि धुनुहोस्।
हप्तामा एक पटक प्रयोग गरेपछि सेतो कपालमा यसको प्रभाव देखिन थाल्छ ।
नरिवल तेल र कागती
एक कचौरा नरिवलको तेल तताएर त्यसमा २ देखि ३ चम्चा कागतीको रस हाल्नुहोस्।
यो मिश्रणलाई हल्का तातो पारेर जरादेखि कपालको छेउसम्म लगाउनुहोस् र आधा घण्टासम्म राखेपछि धुनुहोस्।
केही दिनको अन्तरालमा यो तेल लगाउनाले कपाल प्राकृतिकरूपमा कालो हुन थाल्छ।
कालो चिया
कालो चियाले सेतो कपालमा अद्भुत प्रभाव देखाउँछ। कपाल कालो बनाउने यो निकै पुरानो र प्रभावकारी उपाय हो।
यो चिया प्रयोग गर्न कालो चियालाई भाँडामा हालेर रङ ननिस्किएसम्म राख्नुहोस्।
यो पानी कपालमा लगाउनुहोस् र कम्तिमा २ घण्टापछि टाउको धुनुहोस्।
त्यसमा कागतीको रस मिसाएरपनि ४० देखि ५० मिनेटसम्म कपालमा राख्न सकिन्छ।
