काठमाडौं । फेसबुकको माउ कम्पनी मेटालाई युरोपेली प्रयोगकर्ताहरूको व्यक्तिगत डेटा अमेरिकी सर्भरमा स्थानान्तरण गरेकोमा १ अर्ब २० करोड युरो जरिवाना गरिएको छ ।
आयरिश डेटा प्रोटेक्शन कमिसनका अनुसार ईयूमा मेटाको अपरेसनहरू सञ्चालन गर्ने कम्पनीले जनरल डेटा प्रोटेक्शन रेगुलेसन (जीडीपीआर)को प्रावधानको उल्लंघन गरेको छ ।
निजत्व निगरानी नियमन निकायले (प्राइभेसी वाचडग)ईयूको सर्वोच्च अदालतले फेसबुकका युरोपेली प्रयोगकर्ताहरूको मौलिक अधिकाकार र स्वतन्त्रताको जोखिमलाई सम्बोधन गर्न भने अनुसार फेसबुकको माउ कम्पनी मेटाले तिनको डेटा अमेरिका सार्न बनाएको मानक अनुबन्ध खण्डले सम्बोधन नगरेको सोमबार जनायो ।
सन् २०२०मा युरोपेली अदालतले अमेरिकी गुप्तचर सेवाहरूद्वारा निगरानीको डरमा गोपनीयता सुरक्षा भनेर चिनिने ईयू यूएस डेटा प्रवाह सम्झौता लागू ग¥यो। यसले मानक अनुबन्ध खण्ड प्रयोग गर्नका लागि आवश्यकताहरू पनि कडा पारेको छ । कम्पनीहरूले संयुक्त राज्य अमेरिकामा व्यक्तिगत डेटा स्थानान्तरण गर्न व्यापक रूपमा प्रयोग गर्ने अभ्यास गरेका छन् ।
सोमबार आयरिस डेटा संरक्षण आयोगले मेटालाई निर्णयको पाँच महिनाको अवधि भित्र अमेरिकामा व्यक्तिगत डेटाको कुनै पनि भविष्यको स्थानान्तरण निलम्बन गर्न भन्यो।
१ अर्ब ३० करोड अमेरिकी डलर बराबरको जरिवाना जीडीपीआर गोपनीयता कानूनको उल्लंघनको लागि लगाइएको सबैभन्दा ठूलो हो । ई–कमर्सको ठुलो कम्पनी अमेजनलाई यसअघि २०२१ मा डेटा प्रोसेसिङ नियमहरूको उल्लंघन गरेकोमा ७४ करोड ६०लाख यूरो जरिवाना गरिएको थियो।
