काठमाडौं । कञ्चनपुर, पुनर्वास नगरपालिका-९ ख गाउँ बस्ने ३६ वर्षीय भक्त बहादुर थापा आफ्नै घरदेखि करिब ४ सय मिटर टाढा खेतमा सोमबार मृत अवस्थामा फेला परेका छन् ।
गोरखा, पालुङटार नगरपालिका-९ हात्तिगौडास्थित जलजला बिल्डर्स प्रालि कम्पनीको मध्य मस्याङ्दी हाईटेन्सन पोलको काम गर्ने सप्तरी कञ्चनरुप नगरपालिका-९ रघुनाथ बस्ने ५५ वर्षीय डुम सर्दार सुतेकै ठाउँमा सोमबार मृत अवस्थामा फेला परेका छन् । संखुवासभा, मकालु गाउँपालिका-२ लुम्लुमास्थित जंगल खोल्सीमा सोही ठाउँ थरीगाउँ बस्ने ६० वर्षीया जम्मु राई सोमबार मृत अवस्थामा फेला परेकी छन् ।
यस सम्बन्धमा प्रहरीले आवश्यक अनुसन्धान गरिरहेको छ । आगलागीबाट विभिन्न धनमाल जलेर नष्ट सर्लाही, २५ वैशाख बलरा नगरपालिका-११ छतौना बस्ने गाँजा साहको घरमा करेन्ट सर्ट भई सोमबार बिहान आगलागी हुँदा घर, अन्नपात, लताकपडा र नगद ३ लाख ३० हजार रूपैयाँ जलेर करिब ११ लाख रुपैयाँ बराबरको धनमाल नष्ट भएको छ ।
प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
