काठमाडौं- नेकपा एमालेका काठमाडौं जिल्ला सदस्य पुण्यप्रसाद चौलागाई मृत अवस्थामा फेला परेका छन्। उनी साँखुमा झुण्डिएको अवस्थामा मृत भेटिएको जिल्ला प्रहरी परिसर काठमाडौंका प्रवक्ता सीताराम रिजालले बताए।
साँखु, सलम्बुटारको जंगलमा घाँटीमा पासो लगाएर झुण्डिएको अवस्थामा भेटिएको प्रहरीले जनाएको छ। चौलागाईं मृत भेटिएपछि अहिले घटनास्थल मुचुल्काको काम भइरहेको प्रहरीले जनाएको छ। त्यसपछि अनुसन्धानको काम अघि बढ्ने बताइएको छ।
E उनी २०७४ मा भएको स्थानीय तहको चुनावमा एमालेको तर्फबाट गोकर्णेश्वरको मेयरमा उम्मेदार बनेका थिए।
