जाजरकोट । जाजरकोटमा भीरबाट लडेर एक जनाको मृत्यु गएको छ ।
नलगाड नगरपालिका – १ का ६५ वर्षीय भद्र कामीको भीरबाट लडेर मृत्यु भएको हो । गत शनिबार खच्चरमा सामान लिएर नलगाड नगरपालिका १ जुरेलीतर्फ गएका उहाँ फर्किन क्रममा जुरेलीको पुवाँ डाँडा भीरबाट लडेर मृत्यु भएको ईलाका प्रहरी कार्यालय दल्लीका ईन्चार्ज दलबहादुर बिष्टले बताउनुभयो ।
दुई दिनसम्म सम्पर्कमा नआएपछि परिवारले खोजतलास गर्दै जाने क्रममा भीरबाट लडेर कामीको मृत्यु भएको पारिवारिक स्रोतले जानकारी दिएको छ ।
खच्चर धपाउने क्रममा लडेर दुई सय मिटर तल खसेको अवस्थामा शव फेला परेको ईलाका प्रहरी कार्यालय दल्लीका प्रहरी नायब निरीक्षक इन्चार्ज बिष्टले जानकारी दिनुभयो । रासस
