एजेन्सी । गत महिनामा मात्रै विश्वकप फुटबल २०२२ ट्रफी जितेर इतिहास रच्न सफल भएका विश्वकै अहिलेका सर्वकालिक महान् फुटबलरका रुपमा चर्चित अर्जेन्टिनी स्टार लियोनल मेसीसँग एक नेपालीले भेटेर र सेल्फी खिचेर अहिले संसारभर भाइरल बनेकाे छ ।
हुन्त विश्वका यी महान् हस्तिसित तस्बिर खिच्न कसलाई रहर हुन्न र ?
यस्तै भाग्यमानी तथ खुसीको अवसर पाएका छन्, काभ्रे दोलालघाटका ३८ वर्षका नवाङ लामाले पाएका छन् । उनले गत बुधबार कतारको राजधानी दोहामा रहेको द टर्च होटलमा मेसीसँग सेल्फी खिच्ने अवसर जुरेकाे हाे ।
बिहीबार पिएसजी र अल नासर क्लबबीचको खेलका लागि मेसी कतारको यो होटलमा बसेका थिए ।
नवाङले यही मौकाकाे सदुपयाेग गरेर सेल्फी खिच्न भ्याएका हुन् । उनले सेल्फी खिचेपछि फेसबुक र इन्स्टाग्राममा तस्वीर राखेपछि संसारभर भाइरल बनेकाे छ ।
