झापा – हात्तीको आक्रमणबाट झापामा एक पुरुषको मृत्यु भएको छ।
जिल्ला प्रहरी कार्यालय झापाका अनुसार बाह्रदशी गाउँपालिका–१ का ३७ वर्षीय जगतबहादुर भुजेलको हात्तीको आक्रमणबाट मृत्यु भएको हो।
मंगलबार कचनकवल गाउँपालिका–१ स्थित पश्चिम देउराली चारकोशे सामुदायिक वनबाट घाँस दाउरा लिएर घर फर्किँदै गर्दा भुजेललाई हात्तीले आक्रमण गरेको जिल्ला प्रहरी कार्यालय झापाका प्रवक्ता प्रहरी नायव उपरीक्षक बसन्त पाठकले बताए।
घटनाबारे थप अनुसन्धान भइरहेको प्रहरीले जनाएको छ।
