काठमाडौं । छुट्टाछुट्टै सवारी दुर्घटनामा परी दुई जनाको मृत्यु भएको छ । काठमाडौं महानगरपालिका–१४ कुलेश्वर र ललितपुर महानगरपालिका –१७ बिएण्डबि आकासे पुल नजिक सडकमा भएको सवारी दुर्घटनामा दुई जनाको मृत्यु भएको हो ।
काठमाडौं, कुलेश्वरमा बा.२ ख. ३२२३ नम्बरको माइक्रो बस र बा.९१ प. ७४८० नम्बरको मोटरसाइकल एक आपसमा ठोक्किएर सोमबार साँझ दुर्घटना हुँदा मोटरसाइकल चालक नागार्जुन नगरपालिका ४ घर भएका २२ वर्षीय रविन लामाको मृत्यु भएको प्रहरीले जनाएको छ ।
दुर्घटनामा गम्भीर घाइते भएका लामाको बयोधा अस्पताल बल्खुमा उपचारको क्रममा मृत्यु भएको हो । घाइते भएका मोटरसाइकलमा सवार अर्का एक जनाको सोही अस्पतालमा उपचार भइरहेको छ ।
यस्तै, ललितपुर, बिएण्डबि आकासे पुल नजिकको सडकमा बा.१६ प. १२२८ नम्बरको मोटरसाइकल बा.२ क.१३२५ नम्बरको टिपरमा ठोक्किएर आइतबार साँझ दुर्घटना हुँदा मोटरसाइकल चालक भक्तपुर सूर्यबिनायक नगरपालिका–२ बालकोट बस्ने ६० वर्षीय योगराज सुवेदीको मृत्यु भएको छ ।
दुर्घटनामा गम्भीर घाइते भएका सुवेदीको बिएण्डबि अस्पतालमा उपचारको क्रममा मृत्यु भएको हो । टिपर चालकलाई नियन्त्रणमा लिएर थप अनुसन्धान गरिरहेको प्रहरी प्रधान कार्यालयले जनाएको छ ।
